Djasabra 21 di juni direktiva di “ Asociación de Dominicanos Unidos en Curazao” (A.D.U.C) a fèrf parti dilanti di skol  VSBO /AGO Juan Pablo Duarte na Buena Vista, esaki den kuadro pa duna komunidat di Kòrsou un aporte karitativo. Ta asina ku A.D.U.C. huntu ku su sponsornan pa mas ku 16 aña ta skohe tur aña un fundashon, skol òf parke publiko pa hasi un obra di karidat, e aña aki a skohe Skol VSBO/ AGO  Juan Pablo Duarte pa fèrf su edifisio prinsipal i parti pafó. Awe djasabra 21 di juni a tuma lugá promé fase di fèrfmentu kaminda a fèrf fachada di kantor i overdekte di skol.  A.D.U.C ke yama Maduro & Curiel Bank “MCB” danki pa su gran aporte i asina aki hasi e proyekto aki posibel dor di patrosiná e fèrfnan pa e proyekto aki. Proksimamente lo tuma lugá e di dos fase di fèrmentu pa fèrf parti paden di overdekte i algun muraya parti paden di kantor. Direktiva di A.D.U.C ta sumamente kontentu di por a duna Skol  VSBO/ AGO Juan Pablo Duarte un aporte chikí i enbeyesé su infrastruktura fisiko. Ta importante pa remarká ku Juan Pablo Duarte ta e gran hèroe libertadó di Rep. Dominikana i esaki ta hasi ku direktiva ta sinti su mes orguyoso ku na Kòrsou ta eksistí un sentro edukativo ku ta karga nòmber di Juan Pablo Duarte.