WILLEMSTAD, Curaçao – yüni 2014- E organisashon Amnesia Curacao ku orguyo ta lansa Amnesia Music Festival, susesor di Amnesia Beach Festival. Pa 4 aña kaba, Amnesia Beach Festival tabata e elemento básiko pa festivalnan di muzik den Karibe. Amnesia Music Festival lo ta mas grandi i mihó ku e edishonnan anterior di Amnesia Beach Festival. E evento lo tuma lugá djasabra 5 di yüli na Parasasa Beach, World Trade Center. E sitio aki lo ta 6 bes mas grandi i lo bira e orguyoso kas di Amnesia pa añanan benidero. Amnesia Beach Festival pa 4 aña kaba a bin ta atraé amantenan di músika rònt mundu. E aña aki manera tur esnan anterior e mentenan kreativo tras di Amnesia Curaçao a subi e nivel di e festival. E produkto pa restrukturá i re-brand a bira Amnesia Music Festival. Miéntras ku ta keda mantené e esensia di produsí arte, entrentenimentu extravagante, un variedat amplio di kuminda i kos di bebe i mas importante ku tur kos, músika bailabel pa ora nan largu. Amnesia Music Festival ta primintí tur loke a eksperensiá e añanan anterior i mas. E transformashon di Amnesia Beach Festival pa Amnesia Music festival lo ta apresiá pa e base di fanátiko. Amnesia Curacao ta enfoká pa krea un eksperensia eksuberante i úniko pa medio di energia i ambiente positivo. Amnesia Music Festival 2014, úniko den su tipo, lo ofresé músika pa 12 ora nòn-stòp. Tin algu pa smak di tur hende, ku 4 esenario kada un tokando diferente tipo di muzik: EDM, urban/reggae, techno/house i latin. Aparte di e mihó DJ- nan, lo por gosa di vários artista i bandanan lokal i internashonal. Ku Kòrsou komo e kas ofisial i e base perfekto di Amnesia, i e ambiente di un bunita isla, ku su palmanan i brisa fresku di laman, ta katalisá kreashon di algu diferente; un lugá liber di tur prehuisio, kaminda bo por bisti loke ku bo ta sintí bo bon, bo por baila manera bo ke i sali ku un pida di e mundu ku nos a krea huntu. Love. Respect. Dance! Tokante Amnesia Curacao Amnesia Curacao tur aña ta ta produsí festival di músika, den lokalidatnan kubrí i na airu liber. Ku esenarionan espektakular, diseño di lus, baile i show di teater kombiná ku músika i e mihó oudiensia pa un eksperensia ekstraordinario. Pa mas informashon tuma kontakto via: bianca@amnesiacuracao.com òf bishitá www.amnesia.cw