Awe Curaçao Lions Club a hasi entrega di dos chek. E promé check a bai pa Brass on Fire. Sr. Frank Leitu di Brass on Fire a risibí e chek for di man di e presidente di Curaçao Lions Club Sr. Dave Liqui Lung. Ku e check risibí aki, Brass onFire por kumpra instrumènt pa asina sigui deleitá ku nan músika. E di dos chek ku Sr. Liqui Lung a hasi entrega ta pa Fundashon Totolika. Den luna di Yüni, Curaçao Lions Club a organisá un eksitoso fiesta titulá “Latin Caribbean Grill and Salsa”. E fiesta tabata un fundraising pa speshal pa Fundashon Totolika. E fondo risibí ta pone ku awe Curaçao Lions Club por hasi entrega di e chek di 20.000 florin. Sr. Junny Harms di Fundashon Totolika tabata tin e honor di risibí esaki. Curaçao Lions Club ke yama danki na tur esnan ku a asistí na e Fiesta “Latin Caribbean Grill & Salsa, y tambe na tur spònser y tur otro persona ku di un forma of otro a hasi e fiesta posibel.