…luna di Ougùstùs a habri ku suerte…

WILLEMSTAD/ OUG– Luna di Ougùstùs a habri ku hopi suerte pa Sr. De Rooy ya ku e’la bira e felis ganador di e di 66 KIA Cerato Koup 4 porta, kompletamente ekipá ku Carnaval Casino a pone na disposishon di su klientenan, hungando solamente $0.20 Tabata un momentu inolvidabel ora ku e mashin ‘Win a Car’ di Carnaval Casino a anunsiá Sr. De Rooy komo e felis ganador di e KIA Cerato Koup koló ‘prearl white’. Suerte a kompañá Sr. De Rooy, p’asina purba gana e bunita KIA Cerato Koup. Esaki tabata un suerte a’la ‘last minute’, ya ku Sr. De Rooy tabata saliendo pa bai kas, na momentu ku e’la hasi su último intento. Finalmente e outo a bira di dje! A brinda ku e tradishonal kèlkinan di shampaña i asina selebrá e momentu. Riba fotonan athuntu por haña un impreshon di e momentu ku Carnaval Casino ta felisitá Sr. De Rooy ku su outo nobo. Masha Pabien!