WILLEMSTAD- FUKADEBA a konsentrá hopi riba aktividatnan pa nos hóbennan. Lo bai tin shou di rep. Presentashon di reaggea kombinashon di ritmo kombiná trese pa e variashon úniko di Didjei Jorgel. Tambe lo tin grupo hubenil di baile ku tambe ku ta tei pa presentá. Ta trahando riba un konsepto pa e públiko hóben biba ku nan ambiente.

Públiko general

Públiko general por ta testigu di vários agrupashon musikal ku FUKADEBA  kontratá pa por duna un presentashon. Ta di menshoná ku Gio Fuertisimo, ERA, Dreams, Doble Klasiko i SO tur a konfirma. Tambe lo bai tin presentashon di un grupo rítmiko. FUKADEBA no tabata ke a laga baliadores ke afo i a hasi petishon pa e banda di kòmbèk nobo Sonido Original tambe forma parti di e kartelera musikal dia 2 di oktober. Pa loke ta shounan kultural lo tin presentashon di un grupo di Aruba i Bonaire ku ta na Kòrsou pa selebrá Dia di Bandera.

Pa balia

Kaha di Orgel di Ivo, Sonido Original i un didjei di kòmbèk lo ta na e aria ku nos bishitantenan di Janboos tin su Kos Atrobe por balia trankil bou di tènt. SO a primintí di duna un presentashon di kua esaki ta nan prome biaha na Janboos. E espasio pa balia aki ta nèt dilanti di kas di famia Pieternella i aria aki lo keda kombertí den “todo” un hòfi.

Pa mira

Pa por disfrutá di Janboos tin su kos atrobe” a pone dos steidj. Riba e steidj aki lo repartí e mihó bandanan pa e públiko por gosa di dje. Den e trabounan di infrastruktura ku ta tumando lugá a tene kuenta pa hasi e área mas mihó posibel pa públiko por para disfrutá di kada agrupashon musikal ku presentá riba e steidjnan. Ana pasa te na final públiko a keda gosa di tononan di e último agrupashon debí na e komodidat ku e aria tabata brinda. Ainda FUKADEBA ta hasiendo lo máksimo pa kulminashon e anochi ku atrakshon grandi.