Riba Freewinds

WILLEMSTAD – Djamars anochi dia 30 di yüli, riba Freewinds a tuma lugá e konsierto titulá “Konsierto Bestial pa Parke Tropikal”. Un konsierto ku e meta pa rekoudá fondo pa e Parke Tropikal. Artistanan Heidi Angelista, Gerald Torregrosa, Melania van der Veen, Toni Worrel akompaña pa NGN Brass i Freewinds Band a deleitá un i tur ku un tremendo show.  E sala Skylight Cabaret riba Freewinds tabata yen yen. Na final di e show Sr. Ivan de Windt, presidente di Fundashon Parke Tropikal, a dirigí algun palabra na e públiko presente i entrega algun plaka di mérito na e artistanan i personal di e barku Freewinds ku a duna nan aporte gratuitamente pa e konsierto na benefisio di Parke Tropikal ta un éksito rotundo. Parke Tropikal a bin ta demostrá ku e tin derechi di eksistensia. E direktiva nobo huntu ku e manager di parke ta trahando hopi duru pa realisá e metanan ku nan tin na bienestar di e parke i e bestianan. Tur esaki a base di un masterplan, pero ku mester di fondo finansiero pa por realisá. Ademas tin e gastunan pa trabounan agudo ku mester tuma lugá pa drecha situashon di e parke i e kouchinan. Danki na un i tur ku a kontribuí i tabata presente i keda pendiente pa e próksimo konsierto na fin di aña.