WILLEMSTAD:- Tabata djaweps anochi ku e Breitling Boutique na Little Switzerland Renaissance Mall a tene su Champagne Event- esaki ta e di dos aña konsekutivo. E evento aki a wòrdu organisá spesialmente pa lansa e ‘2014 Breitling Timepiece Collection’. Despues ku esaki a kousa un impakto grandi  durante di e  ‘World Watch and Jewelry Show’ na Basel, Suisa- dicho evento a keda presensiá pa mas ku 120.000 bishitante. Djaweps último porfin Kòrsou por a haña un bista mas di serka. Invitadonan spesial di kual mayoria ta konosí ku e marka di Breitling a risibí e promé bista di e kolekshon. Den e oloshinan ku mas a destaká a figurá e Breitling Superocean Steelfish kual Breitling a lansa spesialmente pa ‘konkistá’ profundidat di oséano- pues pa tur fanátiko di deporte òf pasa tempu akuátiko. E seri spesial ta kombiná e funshonamentu klásiko di e Superocean ku un modelo mas deportivo i tékniko. Tur oloshi ku a keda presentá durante e evento aki ta sertifiká pa COSC (Swiss Official Chronometer Testing Institute.)  Un kombinashon di luho, elegansia i un ‘look’ deportivo- tur  modelo den e kolekshon di ‘2014 Breitling Timepiece Collection’ i muchu mas ta optenibel na Breitling Boutique Curaçao. Tur esnan presente na e evento, vários di nan orguyoso propietario di un Breitling a keda invitá pa kontemplá e kolekshon nobo. E kolekshon a keda presentá dor di Sra. Lucia Rodrigues, Breitling Boutique Manager.  “Nos ta invitá tur fanátiko di Breitling pa bishitá Little Switzerland’s Breitling Boutique i atmirá e kolekshon nobo –kisas amplia nan kolekshon personal” esaki di akuerdo ku Sra. Rodrigues mènedjer di Breitling Boutique.