Willemstad, Djarason 11 yüni tabatin e gran estreno di komedia “Shon Chi, Cha ku Chu tei konta bo bieu”. Komedia presentá pa Edion (Loloi) Booy, Percey (Boskwiri) Benita i Germain (Ma Yeta) Jansen. E tres personahe nan aki a sa di duna un bon presentashon ku un sala di La Tentashon kompletamente yen. E sala a gosa un bòl ora ku Gemain, Edion i Percey a trese susesonan di awor i di ántes    dilanti. E promé parti di e komedia nos a haña Dji, Òlò ku Rast, e nietunan di Chi, Cha ku Chu. Nan ta konta di e kosnan ku ta sosodé den e tempu di awor. Den e di dos parti nos ta haña Shon Chi ( Percey Benita ), Cha (Germain Jansen) i Chu ( Edion Booy) ku ta konta di e tempu di ántes. Susesonan manera entiero, pidimentu di man, fiesta etc ta tópikonan ku ta bin den e komedia aki. Lo tin un funshon mas djarason 18 yüni 2014 na La Tentashon 8or di anochi. Si bo no a wak e komedia ainda, buska bo karchi pura paso ta hopi ta esnan ku a yega pa kumpra karchi i pa nan sorpresa tabata SOLD OUT. Pues si abo ke sa mas di Dji, Òlò, Rast, Shon Chi, Cha ku Chu. No tarda masha, bai buska bo karchi na Takia di Teatro Luna Blou, Time to Time (Saliña) i na Servei (Sta. Maria) NOTA: Orario di takia na Luna Blou lo ta djamars pa djabièrnè di 4or di atardi pa 8or di anochi. Djasabra i djadumingu di 1or di atardi pa 8or di anochi. Pa mas informashon por yama 462-2209 òf bishita nos página web www.lunablou.com of na facebook: Teatro Luna Blou òf La Tentashon.