TDS, e kompania mas grandi di Televishon paga na Kòrsou, kier a aklará lo siguiente. TDS ta garantisá 100% transmishon di Kopa Mundial 2014 riba kanal 8 ku ta Tele Curaçao pa tur su miembronan. Esaki ta debí ku e derechinan di transmishon ta bisa klaramente ku ta Tele Curaçao tin e derechinan pa transmishon di Kopa Mundial 2014 di kual TDS a kumpra e derechinan di “CABLE TV” for di Tele Curaçao. E derechinan eksklusivo aki ku TDS a atkerí, ta garantisá ku tur kliente di TDS ku su kuenta ta aktivo lo haña e señalnan mira via di kanal 8. TDS kier enfatisá ku ESPN lo no transmití su señalnan di Mundial 2014 pa e área di Karibe i esaki a wòrdu konfirmá via di un karta ofisial di ESPN pa tur kompania di Kabel den área di Karibe. Pa loke ta trata otro kanalnan, TDS no a haña notifikashon ku mester blòkia esakinan pa su klientenan. TDS na mes momento kier a yama danki na tur su kliente ku a keda fiel i tur kliente ku a bini nobo, i alabes ta kier a invitá tur persona ku no tin TDS ainda pa pasa i aboná pa nan TDS. TDS kier a deseá tur fanátiko di futbòl un felis Kopa Mundial 2014 i alabes kòrdabu ku TDS ta i lo keda…………… ESUN di NOS.