Djasabra 14 di yüni próksimo ‘Ku Kua bo ta Identifiká bo mes?’

WILLEMSTAD- Yüni 2014: E oportunidat pa kumpra bo outo nobo ku finansiamentu di Banco di Caribe inkluyendo un interes super faborabel tei atrobe. Djasabra awó 14 di yüni for di 9’or di mainta te 3’or di atardi  Global Motors i Universal Motors lo ta e sentro di atenshon pa tur esnan ku tin deseo di kumpra un outo KIA òf un Nissan nobis nobis. Durante e outo show aki tur hende lo por probechá di un pakete di fiansa kompetitivo. Un fiansa pa outo aprobá via Banco di Caribe dia 14 di yüni ta nifiká ku lo bo risibí un interes abou di solamente 3.25% (APR 5.82% ) i tèrmino di pago di un máksimo di 5 aña. Ta bon pa menshoná ku e oferta spesial lo ta bálido únikamente riba e dia di outoshow. Pa esnan ku ta deseá di apliká pa un fiansa ‘on the spot’ mester trese;  último 2 slepnan di salario, identifikashon bálido, deklarashon di doño di trabou i e último 2 estadonan di kuenta (si bo no ta kliente di Banco di Caribe ainda). Djasabra awó 14 di yüni t’e dia! Banco di Caribe ta invitá un i tur pa pasa i atmirá e modelonan nobo di outonan KIA i Nissan na e showroom di Global Motors i Universal Motors.