Heineken ta invitabo pa konsierto di Prince Royce djasabra awó: Risibí 1 kaha di Heineken grátis!

WILLEMSTAD:- Komo patrosinador di e konsierto di Prince Royce pendiente pa tuma lugar djasabra awó, Heineken ta organisá un vershon latino di e popular “Prince Royce Night Out”. Esaki ta tuma lugar djarason awó dia 11 di yüni na TuTuTango. Durante di e edishon spesial aki di “Prince Royce Night Out” tin oportunidat di kumpra karchinan pa VIP Gold na balor di NAf 200- hasiendo esaki lo bo risibí 1 kaha di Heineken grátis! “Nos ke kombiná e ambiente di Prince Royce ku un tiki di e ambiente di Mundial 2014. Pues, esaki ta un oportunidat masha atraktivo pa kumpra bo karchi pa e sekshon VIP Gold i risibí 1 kaha di Heineken regalu”, esaki di akuerdo ku Harms di Distribier. Tur kos ta klá pa e gran konsierto tuma lugá, Kòrsou ta den espektativa pa mira Prince Royce. Un konsierto ku ta kuminsá ku un pre-show di nos propio artistanan Randy Leroy i Ephrem J- ta invitá tur hende pa nan ta trempan riba Kleine Werf. Pre-Show ta skematisá pa 9’or di anochi i pa 11’or di anochi Prince Royce mes subi esenario pa ofresé Kòrsou e konsierto tan spera! Pa tur esnan ku ta pendiente pa kumpra nan karchi pa e konsierto, sekshon General ta kosta 75 florin, na porta esaki lo bira 100 florin. Karchinan ta optenibel na, Beep Beep RIO, Tik Tak, Mensing’s Caminada, AH Supermarket, VdTweel Supermarket na JanThiel, Pagadero Saliña i Pòmpstashon Sta. Helena. Sekshon VIP Gold, ta kosta 250 florin, na porta 275 florin- esaki ta inkluí 2 bebida, akseso na e VIP Gold Lounge i ubikashon pará dilanti di esenario. Pa kompra i reservashon di karchi VIP Gold por yama 688-5272.