Esaki a tuma lugá na e sitio masha gusta, Kokobomba. Dilanti di un públiko bastante respetá di miembro e gran modelo Thaima Osepa a presentá e trahe pa e sekshon Gosadera, ku lo kosta solamente NAf 875. For di e reakshonnan riba e grupo su Facebookpage “Grupo di Karnaval Caché” por a pronostiká ku e reakshon pa e evento aki lo tabata grandi. Presidente di Grupo Caché, Dayanarah, a hiba palabra na nòmber di direktiva i su tim sostenedó. E públiko presente a keda hopi entusiasmá ku e trahe. Hopi komentario a wòrdu hasi manera si e sekshon aki mes ta asina, ta kon e sekshon Silver lo ta. Wendell Elisabeth ta e author di e tema ku Caché lo lusi pa Karnaval 2015 i diseño di sekshonan Silver i individual ta na  su enkargo . Ta un idea ku e diseñadó renombrá tabatin años kaba for di tempu di grupo Primisia. Diseño di traheta di e trahe di sekshon Gosadera ta di Dayanarah, kostura  ta di Eugenie Florentina, i idea di dekorashon i ehekushon di esaki ta di Gloria Amparo. Makiyahe tabata na enkargo di Mogene Paris. Dayanarah a splika ku e trahe aki no ta divulgá hopi di e otro sekshonnan. E ta forma parti di un historia. Pues visualmente e no parse e otro sekshonnan. E aña aki Caché a opta pa publiká solamente e trahe di e sekshon Gosadera. Tur e otro trahenan lo keda super konfidensial. E preis di Naf 875 ta enserá trahe kompletu, bo sapatu dekorá, food and beverage, músika di Gio Fuertisimo. Caché  a mustra enberdad di ta Caché Sólido.