Bailamentu di bachata ku chèns pa gana karchi

WILLEMSTAD:- Siman pasá tabata un lokura durante di e promé “Prince Royce Night Out”- e siman aki ta ferwagt meskos. Un ambiente total, bachata i hopi swing! Djasabra awó, e di dos edishon di “Prince Royce Night Out” lo ta na Coco Bomba- patras di Zuikertuintje, públiko presente den forma spontáneo por registrá pa baila bachata i gana karchi pa e konsierto. Otro siman lo ta e último “Prince Royce Night Out”, dia 13 di yüni na Vegas 360, Boulevard-Mambo Beach. Prince Royce ta na kaminda pa Kòrsou; espektativanan ta haltísimo. Pa tur esnan ku ta pendiente pa kumpra nan karchi pa e konsierto, sekshon General ta kosta 75 florin, na porta esaki lo bira 100 florin. Karchinan ta optenibel na, Beep Beep RIO, Tik Tak, Mensing’s Caminada, AH Supermarket, VdTweel Supermarket na JanThiel, Pagadero Saliña i Pòmpstashon Sta. Helena. Sekshon VIP Gold, ta kosta 250 florin, na porta 275 florin- esaki ta inkluí 2 bebida, akseso na e VIP Gold Lounge i ubikashon pará dilanti di esenario. E sekshon ku a hala hopi atenshon ta esun VIP Platinum- ta premirá ku e lo ta ‘sold out’ pa e siman aki mes, esaki ta kosta 350 florin i ta inkluí, ‘all inclusive drinks and snacks’, asiento na mesa riba e platinum deck, servisio di waitress na mesa i ubikashon pará dilanti di esenario-* por yama 688-5272