Ayera merdia respresentante nan di Loko Lobo Productions huntu ku SD konsert a tene un reuda di prensa pa asina informa korsou pa lokual ku ta trata e konsierto di Romeo Santos ku lo tuma luga na Aruba dia 26 Yüli den Elias Mansur Sportpark. Entusiasmo ta loke ku prensa di Korsou a komparti na mometu ku nan tabata risibi informashon  di e konsierto. Romeo Santos lo ta na Aruba pa un solo presentashon i ta programa pa duna un show di 2 ora i mei. Pa abo ku ta desea di bai Aruba pa asina ta presente na e konsierto aki Loko Lobo Productions y SD Concerts a sera un akuerdo ku Maduro Travel pa asina brinda servisio na tur esnan ku ta lo bai Aruba pa mira Romeo Santos. Pakete di Maduro Travel ta ensera Hotel, Pasashi, y Karchi di entrada pa e konsierto. Pa abo ku ta desea di reserva mesa pa VIP mester subi riba Facebook di Loko Lobo pa asina risibi tur informashon di lokual ku ta trata e aspekto di VIP. E kuater banda nan ku lo ta den pre-show lo ta Tsunami, D’licious, N’Fuzion i e banda nobo bou di maneho di Dwight Leoneta ku lo debuta pa prome biaha e anochi ei!!