Dia 25, 26, 29, 30 i 31 di yüli, Gobièrnu di Kòrsou, espesífikamente Ministerio di Finansa ku koperashon di Kas di Kultura, NAAM i The Cinemas Curaçao
a krea e espasio pa hóbennan na Kòrsou entre 13 pa 18 aña por mira e pelíkula “Tula The Revolt”,  kompletamente grátis na The Cinemas Curaçao na Otrobanda. Meta di e proyekto aki ta pa usa e pelíkula di karakter históriko aki komo un vehíkulo, pa yuda eduká i konsientisá nos futuro generashonnan, pa nan por komprondé di unda nos a bini, dikon nos ta manera nos ta i kon nos mester usa nos historia pa planeá nos futuro pa bai dilanti. Ku otro palabra unda e lucha pa nos libertat fundamental i desaroyo demokrátiko a inisiá i kon nan tin ku lucha pa nan propio adelanto i emansipashon Tur hóben entre 13 pa 18 aña di edat por pasa na kualkier branch i sentro di pago di GIROBANK  entre 8’or di mainta pa mitar di kuater atardi pa tuma nan karchi. Oranan di funshon ta 8’or di mainta, 8.30, 8.45, 9.15, 9.30, 10’or i 10.30. Tur mucha ta haña algu di kome i algu di bebe. Tene bon na kuenta ku no ta permití  hóben bou di 12 aña, ni hende grandi drenta e sine. Hóbennan entre 13 pa 18 aña, Bini UNU, BINI TUR.  BUSKA BO KARCHI GRATIS NA TUR GIROBANK Ministerio di Finansa, Kas di Kultura, NAAM i The Cinemas Curaçao. TA INVITA BO.

Pa mas informashon tuma kontakto libremente ku sra. Ninotszka Vicento di Kas di Kultura na number di telefon 5134465 / 4347310 (55)

Glenn Sulvaran

Miembro Independiente

den Parlamento di Kòrsou