Dia 7 di yüni 2014 Kòrsou lo bai konosé su Miss Kòrsou 2014 ku lo bai representá Kòrsou na e sertámen di Miss Universe 2014. Nos tur ta kòrda e tremendo trabou ku Eline de Pool a hasi na 2013 na Mosku Rusia i kon henter Kòrsou a karga su representante te na e último momento. Pues Kòrsou, e aña aki nos mester sigui uni i sostené tur e 8 kandidatanan pa despues huntu karga nos Miss Kòrsou pa representá nos pais dignamente un biaha mas. E aña aki ya kaba tabatin 4 presentashon preparando tur e 8 kandidatanan pa e gran anochi final ku ta djasabra awor 7 di yüni 2014. Hopi di e eventonan aki a tuma lugá den sirkwito chikí i pa e motibu aki mes Tele Curaçao huntu ku TDS kier brinda pueblo di Kòrsou e oportunidat di mira tur e eventonan aki kuminsando djaweps 5 di yüni via e sistema di Pay Per View riba kanal 81 di TDS. For di djamars dia 3 di yüni kanal 81 a kuminsá ku e anochi di instalashon di e 8 kandidatanan gratuitamente pa tur miembro di TDS riba TDS. Kuminsando djaweps dia 5 di yüni pa eksaktamente 3or di atardi, lo kuminsá pasa primeramente Miss Turismo 2014, Miss Playa 2014 i tambe e designers night kaminda pa promé biaha un Miss Universo a bishita Kòrsou spesialmente pa e anochi aki. E 3 eventonan aki lo sigui pasa for di djaweps 3 or di atardi te ku djasabra 7 di yüni pa mitar di 8 di anochi pa seguidamente switch e señal pa Santa Barbara Resort pa gosa di e gran elekshon di Miss Kòrsou 2014, bibu i direkto. E pakete pa bo por gosa di tur e eventonan aki ta kosta solamente ANG50.00 ku tambe ta inkluí ripitishon di e sertámen final te ku djaluna anochi 12 or. Pues 3 sertámen ku ya a tuma lugá mas e elekshon di Miss Kòrsou 2014 bibu for di Santa Barbara Resort. Pa aboná riba e pakete kompleto aki riba e Miss Curaçao Channel (kanal 81), bo por yama 9242 entre 7 or di mainta i 11 or di anochi òf tambe bo por manda un SMS for di bo selular CHIPPIE na e number 8585 menshonando bo number di kliente di TDS i tambe bo fam tambe durante di e orario ya menshoná. Gastu di e SMS ta 50 sèn. Pues no warda te djasabra pa hasi bo petishon, hasi uso di e oportunidat di mira tur e sertámen nan mas e elekshon di Miss Kòrsou 2014 pa un solo preis di ANG50.00 inkluyendo OB i pa Boneiru USD29.00 Un biaha mas e sinergia di Tele Curaçao i TDS ta mustra ku nan ta e kompanianan ku ta tin mas produkshon lokal na Kòrsou. TDS, E kompania di televishon paga mas grandi di Kòrsou, ta bolbe mustra ku e ta ESUN di NOS!