Willemstad – yüni 2014 E temporada nobo di e programa tan popular Bai’é ta den ful swin. Djamars anochi después di un wega hopi eksitante señor Rothni Klepper, representá pa su kasá Maria a bira e felis ganadó. Banda di un outo nobo nobo, e ganadó ta risibí un aña largu seguro di outo grátis di ENNIA. Ayera tardi e gerensia di ENNIA a risibí e ganadó den un ambiente festivo. Señor Rothni Klepper ta e promé kantidato ku na nòmber di ENNIA a partisipá na e programa di Bai’é den e periodo nobo i ku a gana e premio mayó. Pronto ta entregá e ganadó un Kia Rio 2015 i seguro di outo grátis di ENNIA pa un aña largu. Señor Klepper ta un penshonado di ENNIA di orígen kubano. Durante e wega, su kasá Maria Klepper a representá señor Klepper. Tabata emoshonante mira  e kara soprendí di señora Klepper ora e mester a start e outo, ya ku e pareha akí nunka antes a kore outo. E promé bia ku señora Klepper a start un outo, el a gan’é mes ora. Ayera tardi durante un seremonia kòrtiku na ofisina di ENNIA gerensia a felisitá e pareha. E ganadó ta un kliente masha satisfecho di ENNIA i tabata hopi emoshoná i agradesido pa e chèns ku el a haña via ENNIA pa partisipá  na Bai’é Señor Klepper tin disfrutando ya pa 10 aña di un penshun di ENNIA. Klientenan privá di ENNIA ku ke partisipá na Bai’é por inskribí via  www.ennia.com. Klientenan ku ta kobra penshun di ENNIA outomátikamente ta kompetí pa partisipá den e programa. Tur luna pa medio di un rifa ta skohe dos partisipante.  Ademas e ganadónan  ta haña un aña largu seguro di outo di ENNIA grátis. Riba potrèt: famia Klepper den kompania di algun miembro di gerensia di ENNIA.