Willemstad, E wikènt aki lo tin estreno di un komedia nobo di Juni Aniceta i su grupo JAG titulá “ Nan a Gar’é den Chino” Djabièrnè 6 di yüni 2014 lo estrená e komedia “ Nan a Gar’é den Chino” skibi i dirigí pa Juni Aniceta presentá pa su grupo JAG. Un komedia basa riba realidat di bida. E komedia aki ta ilustrá kiko por pasa ora ku hende ta biba un bida dòbel. Esei ta loke ku Juni i su grupo ke trese dilanti den un forma teatral pa asina duna un aporte na konstruí un mihó komunidat. Un parti di e elenko aki ta forma pa komediantenan pisa den e mundu di teater manera Sandy Andrea i tambe Cynthia Martina. Huntu ku nan tin un tremendo grupo ku tambe lo soru pa trese e mensahe dilanti den un forma chistoso. Un i tur ta keda kordialmente invitá pa no pèrdè e tremendo komedia aki.  Kumpra bo karchi awe mes ya bo por deskubrí ta ken nan a gar’é den chino. “Nan a Gar’é den Chino” Estreno djabièrnè 6 di yüni nueb’or di anochi. Siguiente funshon lo ta djasabra 7 di yüni dies’or di anochi i djadumingu 8 yüni och’or di anochi na Teatro Luna Blou. Karchi ta na balor di Nafl 27,50- optenibel na Takia di Teatro Luna Blou òf na Time To Time (saliña. Pa mas informashon por yama 4622209. Tambe por tira un bista riba facebook: Teatro Luna Blou òf La Tentashon.