…Laga e bala kuminsá lora…

WILLEMSTAD – JUNE 2014– Renaissance Mall & Rif Fort ta anunsiá lansamentu di su kampaña ‘Summer Soccer Campaign’ dediká na e temporada deportivo mas popular na mundu ‘Kopa Mundial 2014’. E kampaña aki lo ranka sali dia 12 di Yüni i lo duna tur bishitante di Renaissance Mall & Rif Fort oportunidat di gana premionan atraktivo na un manera úniko. Tur esnan ku resientemente a bishitá Renaissance Mall & Rif Fort por a tuma nota di un nèt yená ku bala di futbòl, ku tin kologá kantu di e muraya di Rif Fort. Hasiendo kompra den kualkier establesimentu den Renaissance Mall & Rif Fort bo ta risibí un kupòn riba kual lo tin ku yena kuantu bala segun bo tin den e nèt. Yenando e kantidat korekto lo dunabu oportunidat di gana; un “Shopping Spree” na balor di Naf. 1.000,00 i un fin di siman na Renaissance Curaçao Resort & Casino. ‘Summer Soccer Campaign’ ta bálido for di 12 di Yüni te 13 di Yüli. *Ta bon pa menshoná ku si tin mas ku un persona ku rei e kantidat di bala korekto lo rifa e premionan entre esnan ku tin e kantidat korekto. Ademas di e ‘Summer Soccer Campaign’ Renaissance Mall & Rif Fort lo tin vários trivia riba nan página di Facebook ku tambe ta duna klientenan oportunidat di gana premionan atraktivo. Djis ‘like’ e página di FaceBook via facebook/renaissancecuracaosoccercampaign i keda na altura di tur oferta spesial i oportunidatnan di gana premio. Durante di e temporada di ‘Kopa Mundial 2014’ bishitá Renaissance Mall & Rif Fort, disfrutá di e weganan den un ambiente ameno, hasi bo kompra, risibí  bo kupòn, rei e kantidat di bala di futbòl i gana premionan fabuloso. Laga e bala kuminsá ‘lora’ na Renaissance Mall & Rif Fort awe mes!