6 | 7 | 8 di September 2013

Durante weekend di 6 pa 8 di September venidero, Aruba ta bay ta anfitrion di lansamento di Electric Festival (EF), cual lo bay bira e conferencia anual mas grandi pa musica electronico den region di Caribe, mustrando asina Aruba su rol como lider den e desaroyo di musica electronico den Latino-America y Caribe. EF ta bay ta hopi mas cu djis un evento di dance music. Lo bay duna enfoke tambe ariba arte, experiencia culinario, y lifestyle en general.
Prome edicion di EF ta planea pa 2014, cu un conferencia di musica organisa hunto Amsterdam Dance Event (ADE), cu ta mundialmende reconoci como un evento annual clave pa ambos profesionalnan den mundo di musica electronico y conocedornan di e genero.
Hunto cu e festival lo bay tin un cantidad grandi di sesion den studio, workshop y presentacion pa DJ, producer, artista y fans. Hunto cu ADE, Aruba Tourism Authority (ATA), Evenpro y Dirty Dutch ta e motornan tras di EF. ATA ta masha contento di ta e patrocinador mas grandi, mirando tambe cu EF tin tur
ingrediente pa bira un evento respeta internacionalmente, cu ariba su mes lo trece cantidad di bishitante pa nos isla. Di manera aki, Aruba por expande y renoba su base turistico, y atrae futuro generacionnan di turista afluente. Pa e aña aki, lansamento di EF lo inclui un serie di evento durante henter weekend. Parti di EF ta bay ta DJ Chuckie, biba na Aruba y conoci rond mundo pa su conciertonan y produccionnan y nombra pa Forbes como e miho DJ na mundo. Acompanado Chuckie lo ta ex-guitarista di Guns N’ Roses Slash, cu den 2012 a wordo inclui den e Rock and Roll Hall of Fame. Tambe presente lo ta Hardwell cu tin puesto number 6 riba e ranking orestigioso di DJ Mag. Hardwell tambe a alcansa IDMA su Best Breakthrough DJ di 2012 y Best European DJ di
2013. Aña pasa caba ela demostra cu, apesar cu Aruba ta un isla chikito, nos isla tin tur potencial pa bira un top destination pa amantenan di EDM. Loke a cuminsa na juni aña pasa como un fiesta di hacimento di aña pa e DJ, producer y doño di label, a caba na un evento cu 8.000 hende, atrayendo un grupo varia di celebridad internacional incluyendo Akon, Jasmine Villegas, Just Blaze, Robin van Persie y Dirk Kuyt. Lansamento di EF e aña aki ta inclui un evento grandi y inovativo pa hubentud di Aruba – Solarbeats. Esaki ta un iniciativa di Play Foundation, un fundacion cu tin como meta pa trece huhentud mas serca di nan amor pa musica y alavez contribui na communidad y mundo. Durante Solarbeats, Play Foundation ta bay lanza The Ultimate School contest na unda e
skol ganador lo hanja un fiesta cu DJ, Artista y Producer Chuckie mas regalonan manera solar panels, whiteboards, y iPads, entre otro. Detayenan completo ariba programa y line-up completo di Electric Festival lo bay wordo duna den proximo simannan.