Djadumingu próksimo 28 di yüli un grupo grandi di hóben ta biaha pa Hulanda pa sigui un studio mas avansá.  Promé finalista Miss Curaçao Teenager 2013 Nashaira Balentien huntu di dos finalista Miss Curaçao Teenager 2013 Megan Trenidad, ta  forma parti di e komishon  di despedida di Stichting Studiefinanciering Curaçao. For di mainta tempran Nashaira i Megan lo ta huntu ku e bekadonan pa duna kada un, un palabra di aliento i positivismo pa nan enfrentá nan reto nobo. Di parti di Curaçao Fashion and Beauty Organisation nos ta deseá nos studiante hopi éksito ku nan studio na Hulanda i ku Dios bendishoná nan i drama su sabiduria, amor i rèspèt riba kada un.