E aña akí nos ta konmemorá ku 150 aña pasá a abolísklabitut na Kòrsou i otro kolonianan hulandes. E evento históríko aki tabata un paso importante den e proseso di emansipashon di nos pueblo, ku ta e proseso pa hasi hende liber i igual na otro. Na 1795 Tula ku su vishon, determinashon i sakrifisio a mustra nos e kaminda ku nos tin ku kana pa logra nos emansipashon komo pueblo. Sin miedu el a para na kabes die rebelion di mas grandi den nos historia kontra e sistema inhumano di sklabitut. Tula no a roga pa haña mihó trato, nò, ku arma den man el a rebeldiá I eksigí libertat I nada menos.T’esaki t’eúniko bèrdat tokante e papel históriko di nos héroe nashonal Tula. E aña aki pa di 15 biaha Plataforma Bèrdat Históriko ta organisá Ruta Tula pa duna informashon I rebibá e rebelion grandi di 1795. I manera tabata e kaso ya pa basta tempu, e aña akí tambe Kas di Kultura ta duna su koperashon den organisamentu di Ruta Tula. Meta di Ruta Tula ta pa informá, krea konsesnshi históriko, fomentá orguyo i konfiansa propio. Ruta Tula ta un ekskurshon ku konvoi ku ta sali for di Kas di Kultura I ta sigui e ruta ku e rebeldenan a sigui na 1795. Den kada konvoi tin guiadٕónan ku lo duna informashon amplio tokante e sistema di sklabitut I e rebelion ku Tula a enkabesá. Tambe lo tin den konvoi kontamentu di kuenta, ku ta un tradishon importante ku nos no por laga bai pèrdí. Na diferente sitio ku a hunga un papel importante den e rebelion di 1795, lo tin aktuashon di Grupo KARA, Ana kuKuumba, d”Art I Hóben na Timon ku lo rebibá historia ku teatro, deklamashon, baile I kanto.
Ruta Tula 2013 ta tuma lugá 18 I 25 di ougùstùs próksimo. Esnan ku ta interesá na partisipá na Ruta Tula por haña karchi kumpra na Kas di Kultura entrante djaweps 25 di yüli den oranan di ofisina. 8.00 – 12.00 / 13.30 – 16.30 Si ke partisipá na Ruta Tula komo grupo, ta importante pa kumpra karchi huntu pa sigurá ku e grupo ta bai den mesun konvoi. Kòrda sí pa kumpra bo karchi mas lihé posibel pa karchi no kaba lagabo.
Pa mas informashonportumakontaktoku : 
PlataformaBèrdatHistóriko: tel.:7672105 / 5228141