…pa 7 aña kaba lider den merkado…

KRALENDIJK-JÜLI: Ya ta 7 aña kaba ku Digicel ta na Boneiru, e selebrashon tabata grandi i naturalmente pueblo di Boneiru a demostrá nan apresio pa e kompania akudiendo na gran kantidat na e aktividat ku tabata tin na Antriol. E selebrashon a tuma lugar durante di henter dia na unda ku e repartí bolo pa tur kliente ku a bishita Digicel den Kaya Grandi.

Den transkurso di dia, komo muestra di apresio na miembronan di prensa a repartí ‘Red Velvet Cake’ pa lokutornan, redaktornan i tur ku diariamente ta demostrá nan lealtat na e kompania, di akuerdo ku relashonista públiko di Digicel Srta. Irvinia Daantje “Miembronan di prensa ta un partner klave pa Digicel, via di nan medio nos ta komuniká ku nos klientenan i pone den lus tur nos promoshonnan, proyektonan i ofertanan pa servisionan di nos empresa. Klaro ku riba un dia spesial manera nos aniversario, nos no por lubidá nan. Nos gratitut na prensa boneriano”. Digicel a introdusí un stándart nobo riba tereno di telekomunikashon na Boneiru, implementando un mihó kobertura i un red mas grandi. Aktualmente, Digicel ta lider den merkado ofresiendo produktonan inovativo i un servisio ku tur dia di nobo ta konta ku aprobashon di pueblo di Boneiru. Ademas di esaki, Digicel ta kontentu di por kontribuí na komunidat di Boneiru via di diferente proyekto komunitario, pa grandi, hóben i chikitu. E selebrashon a kulminá 7’or di anochi na Stichting Avanti mihó konosí den pueblo komo “Buraku di Jonchi”, ku repartishon di bolo, limonada i un sukulento barbekiú ‘on the house’ pa tur presente. Durante di e aktividat festivo a rifa un pasashi ida i buèlta pa Miami i tambe un Blackberry 9320 pa kortesia di Digicel. Klaro ku mester tin músika; Foyan Boyz i Dj Omega 13 a pone tur hende baila i asina kompletá e selebrashon. Srta. Irvinia Daantje, relashonista públiko pa Digicel Boneiru ta finalisá bisando, “Digicel ta kontentu kon pueblo di Boneiru a brasa e kompania ya pa 7 aña kaba, Boneiru por sigui konta ku nos.”