Crystal y Seaport Casino ta regala 2 auto den 1 weekend

ORANJESTAD– Ta parce un locura, pero ta berdad! Diabierna ultimo a tuma lugar e conferencia pa anuncia e campaña nobo. Ken por a spera cu e prome dos autonan den e campaña BIG 50 di Crystal & Seaport Casino a wordo gana den menos cu 24 ora? Ambos auto a ser gana na Seaport Casino. E prome ganadora a resulta Sra. Melitina Maria De Cuba, biba na Savaneta #80. Sra De Cuba a gana e auto hungando na e machine “7029  1c Penny Barn” cu e combinacion di ‘Mystery Bonus’. Hungando apenas $7.25 den 10 minuut, Sra. De Cuba ta bay cas cu e prome Toyota Prius C den e campaña BIG 50. E di dos ganadora ta resulta Sra. Jacoba Van Den Hazel, biba na Pos Chiquito #25. Sra. Van Den Hazel ta gana e auto depositando apenas $1 na Seaport Casino. E campaña “BIG 50” lo regala 50 Toyota Prius den e proximo 12 lunanan- pa aworaki a sobra 48!. Tur hende awor tin mas oportunidad di gana un auto na Crystal of Seaport Casino cu e campaña “BIG 50”. E auto nobis nobis por ta dibo awe mes!, E Toyota Prius C ta un auto economico pa tur cartera ya cu por yena e tanki di gasolin cu un averahe di Afl. 100 pa luna. Cu solamente $0.01 e cliente tin chance di gana. Crystal Casino ta habri 24 ora y Seaport Casino ta habri for di 10’or di mainta; cu un tiki suerte mañan mes bo por tin un auto nobo. Pa mas informacion di e campaña “BIG 50” por bishita e player center di Crystal of Seaport Casino, tambe por ‘like’ e pagina di Facebook y keda ‘up to date’ cu tur e detayenan.