For di Hulanda a jega e conocido atleta Destrey Raymond cu a bin  pasa su vacacion na su pais Aruba. Destrey Raymond  a jega di practica e deporte di judo, karate y american football. Despues a bai over pa haci e deporte di strongman y powerlifting. Destrey na Hulanda y na Europa a competi den varios competencia nan di strongman y tambe a sa di gana y retene varios titulo den e deporte aki. Den powerlifting  tambe a sa di gana varios titulo den su categoria. Actualmente Destrey ta train na Crossfit Aruba y na Compleho Deportivo Frans Figaroa na Noord. Den su training den e gym di weightlifting na Compleho Deportivo Frans Figaroa, algun atleta a hanja e oportunidad pa saca un potret cu e strongman Destrey Raymond. Aruba Amateur Weightlifting Association y Crossfit Aruba ta desea Destrey tur clase di exito na Aruba.