NAKS, (Organisatie voor Gemeenschapwerk na Sürnam) den koperashon ku Kas di Kultura, Insel Air, Direktiva di JPF i Konsulado di Sürnam ta invitá pueblo di Kòrsou na un Interkambio kultural riba tereno di mara lensu. Aña pasá pais Kòrsou tabata invitado di NAKS na Sürnam . Den luna di yüni-yüli 2013,     Sra. Cenaida van Dinter, konosido maradó di lensu di Kòrsou, a duna tayer di lensunan di Kòrsou na diferente skol i interesado na Sürnam. Den kuadro di kontinuashon di e proyekto aki,  ta bai tin di bishita na Kòrsou, 4 maradó di lensu Sürnam (trainer) entre 2 te ku 8 di yüni 2014. Dia 2 di yüni, e trainer aki lo duna tayer na muchanan di grupo 8, di 4 skol di fundeshi aki na Kòrsou. Banda di esei, tur hende ku ta interesá pa siña mara lensu Sürnam por partisipá n’e tayernan. Esakinan lo tuma lugá  kuminsando for di dia 3 di yüni, di 7or te ku 10or anochi na JPF. Lugánan ta limitá; tin lugá pa 20 persona pa anochi. Pa maradónan di lensu avansá tambe lo tin tayer di Train de Trainers. Partisipashon na tayer general  ta fl. 40,- ku konsumo. I pa tayer di Train de Trainers partisipashon ta fl. 50,- ku konsumo. Por haña formulario di inskripshon na JPF, Insel Air na Dokweg, Suriname Airways na Airport,Restorant Surindo na Welgelegen, Konsulado di Sürnam i na Kas di Kultura. Djaluna dia 2 di yüni, lo tin un seshon general kaminda tur ku a inskribí por sera konosí ku e delegashon di Sürnam i haña mas informashon. E anochi di informashon aki ta tuma lugá 7or di anochi, na JPF na Plantersrust  3,  Weg naar Welgelegen. Dia 8 di yüni 2014 lo klousurá e siman kaminda partisipantenan lo risibí un sertifikado. Pa mas informashon por tuma kontakto ku Sra Cenaida van Dinter na 515-3255, Sr. Eric Rudge na 663-55727, Aileen Lodowica na 522-2789 i na Kas di Kultura na 434-7355.