Riba djamars 9 di yuli, Pampus Bar & Restaurant tabata esenario pa Curacao Queen Organization presenta e 11 partisipante nan ku ta kompitiendo pa e titulo nan di Little & Pre-Teen Curacao 2013. Grandi tabata e publiko ku a bin sostene nan partisipante faborito. Riba e atardi bai kue anochi aki e partisipante nan a hasi uzo di e oportunidat pa presenta nan mas na e publiko presente i di e forma aki subi e kaminda pa bai e sertamen final kual lo ta 27 di yuli proksimo den Because Entertainment Center. Riba e anochi di presentashon na prensa aki e kantante femenino Gigi di e konosido agrupashon musical Dreams tambe a hasi un presentashon spesial. Gigi a sa di krea un tremendo ambiente den Pampus Bar & Restaurant. Aki ta sigui number i nomber di e partisipante nan pa kategoria Little Miss Curacao 2013; 1. Shenaomy Florentina, 2. Pharianthy Aniseto, 3. Gilliandra Jamanika, 4. Marchély Pieternella, 5. Esmeely Evertsz, 6. Rushantely Isenia, 7. Crisainy Manuela. Pa kategoria Miss Pre-Teen Curacao 2013 e number nan ta lo sigiente; 1. Ashby Alejandra, 3. Hasty Isenia, 4. Dilayla Manuela, 5. Giomy Klepper. Durante e “Press Presentation” miembro nan di prensa tabata tin e oportunidat di kombersa ku e partisipante nan i asina konhuntamente skohe e ganador nan di e titulo di Miss Press pa ambos kategoria. E ganador nan a resulta lo sigiente; Pa kategoria Little Miss Curacao 2013 a resulta partisipante number 3. Gilliandra Jamanika i pa kategoria Miss Pre-Teen Curacao 2013 a resulta partisipante number 1. Ashby Alejandra. Curacao Queen Organization kier a yama un danki na tur miembro nan di prensa i website nan ku tabata presente i alabes nos kier a invita pueblo di Korsou pa bin sostene e partisipante nan formando parti di e aktividat edukativo aki na e sertamen final. Karchi nan ta obtenibel serka tur partisipante, na Candy Land Otrobanda of na number di telefon 516.0946.