WILLEMSTAD – Debí na e interes hopi haltu e aña aki pa loke ta trata  partisipashon na Un Kanto pa Kòrsou e aña aki, kaminda nos a risibí mas ku 30 komposishon, komishon organisadó a yega na un total di 18 komposishon ku dia 8 di yüni awor lo bai kompetí pa e titulo máksimo. E komposishonnan ku e aña aki lo bai partisipá, ta konsistí di vários ritmo i esei ta hasi e kompetensia unu sumamente interesante. Manera ta kustumber, lo traha un lista di ensayo ku ora fiho pa tur partisipante. Ensayonan ta kuminsá djadumingu dia 1 di yüni i lo finalisá ku ensayo general dia 7 di yüni 2014. Awe djaluna e komishon organisadó lo reuní ku tur e kantante, kompositor i areglistanan awe djaluna dia 19 di mei 2013, pa 7 or di anochi den Sala Newburn Patrick den Festival Center, kaminda lo pasa riba tur detaye di e festival, pero tambe duna nan karchi pa bende. Ta bon pa informá ku karchi di entrada ta 35 florin adelantá i 45 florin na porta. Buska bo karchi for di awor. Kompositornan mester korda ku den 2014 Bandera di Kòrsou ta selebrá 30 aña di eksistensia i ku nos mester traha riba Nation Building di e pais aki. Athunto e lista di e 18 partisipantenan pa Festival Un Kanto pa Kòrsou 2014