Na promé lugá e tim organisadó di The Wedding Experience I Wedding & Event Showcase (Expo) i Bridal Runway Show 2014 kier a jama danki na tur persona ku a asisití na nos tremendo oudishon. Esaki tabata un eksperensia masha agradabel tantu pa nos I tambe e modelo nan ku a partisipá. Pabien na esnan ku a keda selekshoná I na esnan ku no a keda selekshoná nos kier a enkurashá nan pa sigui mustra nan talento paso un oudishon ta djis un eksperénsha mas pa bo siña di dje I sigui krese komo persona. E dia grandi ku ta Djasabra 21 di Juni 2014 ta aserkando I nos ta kontentu di  por presenta na boso nos modelo nan ku lo bai lusi trage nan tantu di kasamentu, evento nan special I e aña aki pa prome biaha un show di lingerie tantu pa nos dama nan I nos kabayero nan. Kas nan di Black Pearl Bridal, Nice People, Scandal, Lingerie Curacao I tambe makiyahe di J.L. Penha & Sons lo tey. Manera nos a anunsiá kaba nos tin nos modelo nan Sharif Sprockel I Celine Hugo Olivier I huntu ku nan nos tremendo modelonan ku nos a skohe durante di e Audishon. E modelonan femenino ku  boso lo bai mira lusi riba nos pasarela ta Esther Nieuwenstein, Jurina Constancia, Charisma Rier – Eugenia, Kanisha Sluis, Rilienke Wawoe I huntu ku nan nos flamante Miss Korsou 1975, Yasmin Braz. Tambe nos a skohe un modelo chikitin ku ta Angelina Bonito. E modelonan maskulino nan lo ta Roger Navarro I Quinton Trotman. Nos ta invita pueblo di Korsou kompletu asisti na e evento exclusivo aki  paso bo no por pèrdè e tremendo show di moda ku nos ta preparando pa tuma luga na Sta. Barbara Beach & Golf Resort entre 13.00 pa 22.00. Hopi amor, moda I elegansia lo bo bai disfrutá di dje durante di e Bridal Runway Show 2014. For di djaluna karchi na rason di 10.00 florin ta obtenibel na Samsom Sta. Maria I Mensings Caminada! Pa mas informashon, tuma kontakto ku Celebrations! na 563-0422 of info@celebrations-cur.com y keda pendiente pa updates nan via www.facebook.com/TWECURACAO