Willemstad, Teatro Luna Blou & La Tentashon den koperashon ku Amsterdamse Hogeschool voor de Kunsten ta presentá e obra “Mi ta Kas” dia 24 & 25 di mei 8or di anochi na La Tentashon. “ Mi ta Kas” ta un obra dirigí pa Linda Bosch & Roxanne Stam for di Hulanda. Linda Bosch ta den su lastu aña di estudio na Amsterdam. E aña aki e ta finalisá su estudio di dosente di drama. Roxanne Stam ta un ex studiante di Amsterdamse Hogeschool voor de Kunsten, na aña 2012 e la kaba su estudio di dosente i direktor di teater. Nan a traha a base di improvisashon i teksto ku hóbennan yu di Kòrsou entre 18 pa 22 aña a skibi. Un total di 7 hóben, Chino Abrahamsz, Christopher Barrow, Juendric Boeldak, Ysanne Donker, Zaërick R. Martha, Benjamin Martis & Raïsha Williams lo presentá nan propio historianan. E obra ta bai tokante di e influensha kaminda bo a krese, influensha di otronan, bo identidat i soñonan. E lugá kaminda bo ta bida por tin deaber ku bo personalidat? Òf kisas bo ta sintibu mihó otro kaminda ku no ta bo kas? “Mi ta kas” djasabra 24 i djadumingu 25 mei 8or di anochi na La Tentashon. Karchi ta optenibel na Teatro Luna Blou pa solamente Nafl 10,- Pa mas informashon por tuma kontakto ku Luna Blou na:462-2209. Por bishita nos facebook page: Teatro Luna Blou òf La Tentashon.