WILLEMSTAD- Komishon pa Atletanan di Maduro & Curiel’s Bank (KOMPA) pa medio di e komunikado aki ta invitá tur e 32 kompanianan ku a inskribí pa partisipá na Torneo Futsal KOPA MUNDIAL KOMERSIAL 2014 na un reunion informativo. Durante di e reunion aki Direktiva di KOMPA lo amplia riba entre otro e reglanan i duna un splikashon di e sistema klasifikashon. Riba e fecha aki tambe lo splika kon e eskoho, di e PAIS ku bo kompania lo bai representá, lo tuma lugá. Tambe Direktiva lo presentá e kamisetanan di e PAISNAN na e ekiponan maskulino. Fecha di e reunion ta djaweps 15 di mei 2014 pa 6.30 p.m. na sala di reunion na ofisina di FFK (patras di SDK). Alabes Direktiva di KOMPA ta rekordá tur kompania pa “reken af” montante di inskripshon riba e fecha di reunion. Pa kualkier pregunta por tuma kontakto ku Carlos Martha na telefon 466-1430 of 520-0134 òf e-mail carlos.martha@mcb-bank.com òf Rignald van Eiker na 466-0776 òf 511-7077 òf e-mail Rignald.vaneiker@mcb-bank.com.