Inskripshon a habri djarason dia 8 di mei 2014 i ta klousura djarason 14 di mei 2014 pa 5’or di atardi. E komishon lo reuní djaweps  15 di mei  durante dia pa  tuma e desishon final ken lo por bai partisipá definitivamente na e Festival. Djaweps 15  di mei mes  lo anunsiá e lista definitivo. Ta bon pa menshoná tambe ku e komishon tur aña di nobo ta stimulá kompositornan i intérpretenan hóben pa nan tambe partisipá i midi nan forsa ku esnan mas eksperensia. Pa un festival di kompetensia por sigui krese, ta bon pa tantu  e kompositornan eksperensia i  e kompositornan hóben  inskribí pa por kompetí. Pues  e Festival aki ta habri e posibilidat pa tur kompositor  ku tin un kreashon na nivel por inskribí i partisipá. Semper bai  ta bon pa e kompositornan logra konvensé un intérprete ku por trese e komposishon manera e ta deseá dilanti. Un areglo tambe ta hopi importante den e totalidat i ta bon konosí ta kua ta e areglistanan den nos komunidat ku ta apto pa hasi e trabou aki na e nivel adekuá. E inskripshonnan ku no a entrega nan demo ku grabashon dje piesa kanta pa e intérprete i kompañá pa un instrumènt di kuèrdè no, no ta bin na remarke pa partisipá… Komishon organisadó lo duna un último oportunidat na esnan konserní pa entrega e demo aki promé ku djarason 14 di mei 5’or di atardi. na Festival Center, ya ku e komishon di evaluashon lo evaluá tur e inskripshonnan djaweps durante dia. Pa esnan ku  a keda selekshoná pa e komishon, lo tin un reunion djaweps dia 15 di mei 2014  na Curaçao Festival Center di 7 or pa 8 or di anochi, kaminda lo duna tur detaye di e festival.