Coridja Stars Productions durante un cocktail djasabra último a presentá “Musalina” Designers Night 2014.  Durante di e anochi spesial i bon bishitá aki a duna atenshon na nos diseñadónan  poniendo nan den lus i laga mundu sera konosí ku nan fishi, arte i kreatividat den e mundu fasinante di moda i beyesa. E anochi a kuminsá ku entrada di nos invitado spesial Miss Universo 2013, Gabriela Isler i nos Miss Curaçao, Eline de Pool. Ocho disenado ku ta biba na Kòrsou a diseñá un trahe elegante pa e kandidatanan. Durante e anochi e públiko presente por a atmira kreashon di Edseline Rijkers, Albertico “Tico” Sambo, Ludgene Balentien, Emerson Cordilia, Rolfis Mezones,  Naharshka Juliao, Juan  Carlos Padrino i Edwin Loran. Delegashon di Miss Universo presente a haña e tarea basá riba eksperensia i konosementu pa skohe entre e kandidatanan un “Belle of the ball” ku ta e kandidata ku a demostrá  di ta sosial i ku tin e abilidat pa desenbolbe su mes bon den públiko. E kandidata ku mas presensia.  E Belle of the Ball di e anochi a resultá kandidata number 7, Kaydee Chang. Coridja Stars Productions ta gradisí tur diseñadó pa nan esfuerso pa a krea un trahe ku a  laga e invitadonan keda sumamente impreshoná. Tambe Coridja Stars Productions ta gradisí Ackerman NV ku a pone e telanan na disposishon di e diseñadonan. Tambe Refineria Isla ku a sòru pa e fin di siman bunita.