WILLEMSTAD,- Ayera tabatin e promé Luna Blou & La Tentashon Award 2014. Riba e anochi aki a hasi rekonosementu di tur e persona nan, instansha, sponsers, media di komunikashon ku durante 2013 di un òf otro manera tabata envolví ku e dos teaternan aki. Aparte di e rekonosementu nan, a hasi un homenahe na Norman de Palm, e fundador di Teatro Luna Blou & La Tentashon. Eligio Melfor tambe a wòrdu rekonosé i a homenahi’é pa su aporte na Arte. Norman de Palm i Eligio Melfor a sementá nan man na e Bulevar di Fama ku tin na Teatro Luna Blou. Esaki ta e promé aña di “Luna Blou & La Tentashon Award” i sigur den e añanan benidero lo o bai honra e otro pioneronan di Arte ku a sòru pa Luna Blou & La Tentashon bira e teater di Kòrsou. Aparte di e rekonosementu nan. E públiko presente por a disfrutá di e jingle nobo di Teatro Luna & La Tentashon skibi pa Segni Bernardina i Kompositá pa Xemio Jacobs “2014 ta Aña di Teater”. Tambe por a mira e desaroyo di e website di Teatro Luna Blou & La Tentashon ku pronto lo keda kla. Danki un biaha mas pa a sosten ku pueblo di Kòrsou ta duna na  Teatro Luna Blou & La Tentashon paso esaki ta sigur aña di teater pa un i tur i pa uni tur!