…rekargá bo bateria i keda alkansabel henter dia…

WILLEMSTAD-YÜLI: E fin di siman benidero Digicel lo ta presente durante di e Amnesia Dance Event ku lo tuma lugar na Wet & Wild riba djasabra dia 6 di yüli próksimo. Di akuerdo ku Thessa Fleming, relashonista públiko di Digicel, semper ta e kaso ku durante di aktividatnan grandi i di largu durashon ku e bateria di selular ta baha dor di uso kontinuo. Hopi ta esnan ku ke kompartí potrèt via di medionan di komunikashon sosial i esaki por baha e bateria di selular lihé. Pensando riba e éksito grandi di e Amnesia Dance Event i e multitut ku lo bishitá, Digicel a opta pa pone un asina yamá ‘Re-Charge Area’.

Rekargá bo telefon i sigui disfrutá:

Durante di e Amnesia Dance Event, no prekupá ku e bateria di bo selular por baha, Digicel su área di rekargo ta nèt banda di e stage na Wet & Wild. Ta bon pa menshoná ku e kliente mester bin ku su propio ‘charger’. Durante di henter e aktividat e tim di promoshon di Digicel lo ta presente pa asistí na e área di rekargo i tambe pa repartí material di promoshon pa aksentuá e Amnesia Dance Event di e aña aki, tra’i mèrdia e tim di promoshon lo repartí frio-frio pa baha kalor un poko. Digicel ta invitabo na e di terser edishon di Amnesia Dance Event ku lo tuma lugar djasabra próksimo na Wet & Wild, pa mas informashon por bishitá e página riba Facebook.