Kòrsou – 13 November 2014. Na okashon di su 75 aña di eksistensha, Kooyman ta selebrá na un manera grandioso! Di 3 di novèmber 2014 te ku 30 di yanüari 2015, Kooyman ta trit pueblo di Kòrsou riba hopi deskuento atraktivo; kada luna nos lo pone 75 di nos produktonan mas popular den baratio. Ademas e Rei di Konstrukshon i Dekorashon ta rifa hopi premio ku un grandioso premio mayó: un Toyota Yaris 2014 nobis nobis. Di e forma aki Kooyman ke yama pueblo di Kòrsou danki pa 75 aña di konfiansa den su kalidat, servisio i bon prèis. Durante e tres lunanan di fiesta, pa kada kompra na balor di 75 florin, un kliente ta risibí un lòt ku chèns di gana un di e premionan semanal di 500 florin, un di e tres fabuloso premionan mensual òf e grandioso premio mayó: un Toyota Yaris! CEO Herbert van der Woude ta splika: “Durante e último lunanan di aña i e promé luna di e aña binidero nos lo trit nos klientenan.  Kooyman ta di fiesta i nos ta invitá henter pueblo di Kòrsou pa selebrá esaki ku nos. No ta tur dia ku un empresa di puru origen kurasoleño por bisa ku ela yega e edat memorabel di 75 aña!” Kada siman lo anunsiá e ganadónan di e premionan semanal di 500 florin via facebook i den korant. Tambe, kada luna lo rifa un permio di sorpresa. Esaki por ta un televishon, un estadia na un resort luho, òf…  COO Juri Kooyman ta kontinuá: “Den kuminsamentu di 2015 nos ta rifa e premio mayó: un Toyota Yaris nobo nobo. Nos ta masha orguyoso ku e negoshi ku mi welanan a lanta 75 aña pasá na aña 2014 tin 6 filial na Kòrsou, Bonèiru, Aruba i St. Maarten. Aña aden, aña afó nos a suministrá material di konstrukshon di kalidat pa hopi kas di famia i otro tipo di edifisio riba nos islanan. Nos ta sumamente gradesidu ku e lealtat di nos klientenan den trankurso di tantu aña a duna nos e oportunidat di keda amplia i inová nos pakusnan i nos surtido.” Riba wèpsait di Kooyman, riba Facebook i den tur filial por haña mas informashon tokante e 75 produktonan den baratio, e prèisnan di deskuento i reglamentu di e loteria. Tambe lo splika e kampaña den korant i na radio.