Unda e Saku di Papa Pasku ta?

WILLEMSTAD/ DECEMBER 2013:- Despues di un eksitoso trayekto promoshonal, Digicel ta hasi e 6 finalistanan di su kampaña konosí. Seis persona lo partisipá na e búskeda di Nafl. 20,000 ku tin skondí un kaminda na Kòrsou den e saku di Papa Pasku. “E kampaña a resultá un éksito rotundo ku aktivashon masal di One Rate, tambe un kantidat enorme di SMS a keda mandá, e kahanan den nos establesimentunan tabata yen di resibu ku a wòrdu depositá, pues nos ta sumamente kontentu ku e manera ku klientenan a partisipá na e kampaña aki”, esaki di akuerdo ku Thessa Fleming, relashonista públiko pa Digicel Kòrsou. Mas aleu Thessa Fleming ta splika ku e aktivashon di e pakete One Rate tabata e método di partisipashon mas uza den e trayekto promoshonal, esaki di biaha ta nifiká ku Digicel ta habri 2014 ku un grupo grandi di kliente nobo ku ta konfirmá éksito di e tarifa mas abou riba nos isla. Djaluna dia 23 di desèmber e 6 finalistanan lo hasi e búskeda di Nafl. 20,000- nan lo mester kompletá un seri di charada di kual e kontestanan korekto lo hiba nan na e saku. E promé persona pa haña e ‘Saku di Papa Pasku’ ta gana e botin! Finalistanan for di partisipashon di SMS a resultá; Shurendell Maria  Denise Trenidat. For di aktivashon di pakete One Rate, Shirleyvienne Maduro i Dennis Mercelina a resultá den finalista i finalmente esnan ku a kai den e finalistanan dor di kumpra den un establesimentu di Digicel, Dahyanahra Edwards i Tamara Seintje. Tabata djaweps mèrdia ku e finalistanan a bishitá Digicel na Biesheuvel pa pasa dor di e reglanan pa e búskeda di djaluna próksimo. Digicel ta deseá tur 6 finalista hopi éksito ku e búskeda di e ‘Saku di Papa Pasku’. Keda pendiente pa e ganador absoluto di e buskeda i e otro ganadornan di e kampaña.