E di dos 5 o’Clock di Margaritaville den Karibe:
WILLEMSTAD- 5 o’Clock Somewhere Bar & Grill konsepto di Margaritaville a habri su portanan na Renaissance Mall, esaki ta e di dos den Karibe. Normalmente nos ta selebrá ‘happy hour’ riba un djabièrnè atardi 5’or; sinembargo, awor Kòrsou lo ta ‘happy’ na tur momento di dia! E konsepto di Margaritaville ta duna nos un esküs perfekto pa selebrá ‘happy hour’ tur dia. Na 5 o’Clock Somewhere Bar & Grill tin bon músika, ‘bitesnan’ delisioso i e kòktelnan di mas dushi. E bar rústiko i ‘trendy’ lo ta un sitio ideal pa gruponan di amigu sinta relahá i disfrutá di un atardi òf anochi tremendo.
Tur djabièrnè i djasabra lo tin músika bibu i Kòrsou ta invitá pa sera konosí ku e sitio ku pronto lo ta e ‘Meet & Greet spot’ riba nos isla. Di akuerdo ku Dwayne La Pas, direktor di Food & Beverage, esaki lo ta definitivamente “the place to be” pa topa amigu i koleganan despues di trabou i relahá. “Hopi di nos ta pone nos bida sosial na di dos lugá. Ku e bar aki, nos ke duna tur hende un esküs pa relahá i sosialisá tur dia. Tur esei, den un ambiente ‘trendy’ ku músika bibu i e mihó kòktelnan den nos sentro di siudat,” segun La Pas.
Un menú eksitante i delisioso
5 o’Clock Somewhere Bar & Grill su menú ta ofresé por ehèmpel Chicken Wings, Patacones, Seafood Ceviche i Wasa Wedge Salad. Sin lubidá e super dushi 5 o’Clock burger, esaki ta un hamburger di Angus beef riba grill ku turkey ham, keshi merikano,webu i mayonès riba un pan brioche. Loke sigur ta hala atenshon ta e e menú di kòktel, akinan tambe tin un variashon grandi; skohe entre Margarita, bibidanan frozen i bo ‘mix drink’ faborito i muchu mas. Bo tin sigur un bon motibu pa bishita 5 O’clock Somewhere Bar & Grill tur dia mes, ya ku ta ofresé ‘daily special’ variando di un Bucket Mania te na un Whiskey ‘n Wings.
Di awe padilanti semper lo ta 5’or di atardi!
5 O’clock Somewhere Bar & Grill ta un konsepto inspirá pa e kantante i kompositor Jimmy Buffet i ta mantené estilo di Margaritaville unda semper ta 5’or di atardi. E bar rústiko den aire liber, situá na Renaissance Mall na e banda di e terminal di krusero, lo ofresé pasa boka na bar, kòktelnan dushi i hopi músika. Tur dia Happy Hour entre 5’or i 7’or di atardi, pero tambe mas lat entre 9’or i 10’or di anochi. Músika bibu tur djabièrnè i djasabra. Riba djabièrnè Carlos Salsbach lo tei entre 6’or i 10’or i riba djasabra ambiente ku Los Cheveres entre 6’or i 10’or. 5 O’Clock Somewhere Bar & Grill lo ta habri tur dia for di 4’or atardi pa 11’or di anochi. Pa pa mas informashon bishitá www.facebook.com/5somewherecuracao i sigui @5somewherecuracao.