Willemstad – yanüari 2015: Resientemente ENNIA a honra 15 hubilario ku huntu ta traha 370 aña na e kompania di seguro. ENNIA su empleadonan ta hasi nan trabou ku hopi amor i dedikashon i  generalmente ta keda un averahe di 30 aña of mas ku e kompania. Na okashon di e selebrashon akí, e ehekutivonan di ENNIA a selebrá huntu ku e hubilarionan i a gradisí nan pa e añanan dediká na e kompania. Sr. Ralph Palm, Presidente di Hunta di Maneho di ENNIA a ekspresá di ta kontentu ku e kompromiso ku e hubilarionan tin pa nan trabou di tur dia i a bisa ku esei ta keda reflehá den e éksito di ENNIA. Sr. Andrey Pichardo, direktor di departamentu di rekurso humano tambe a dediká algun palabra di gratitut na e empleadonan ku ta selebrá nan hubileo. “Danki pa boso esfuerso i determinashon pa alkansá ekselensia den boso trabou. Boso labor di tur dia ta resultá den bon servisio na nos klientenan”. Riba foto athuntu por haña un impreshon di e hubilarionan kompaña pa e direktornan di robes pa drechi; Sr. Andrey Pichardo, Vianney Dunker-Maurera (20 aña), Lucila Bloemenveld – Semeleer (30 aña), Edmée Meyer (20 aña), Jahaira Elisa (25 aña), Guiselle de Kaster (20 aña), Xiomara Zerpa – van der Veen (35 aña), Astrid Maria (35 aña), Astrid Reenis – Trinidad (40 aña), Jeritza Pieternella (25 aña) i Sr. Ralph Palm.

Hubilarionan ku no ta riba potrèt: Benjamin Roosje (35 aña), Pamela Panjab (20 aña), Celaine Soleana- Steba (20 aña), Mavis Macaay – Helena (20 aña), Myosotis Suarez (12,5 aña) i Unicia Angel (12,5 aña).