Djamars anochi dilanti gran mayoria di nan miembronan i algun invitado ViVa a presenta su trahe pa karnaval 2016. E aña aki ViVa lo hiba e tema “Romani”, un tema ku a yega di wordu presenta den karnaval di Korsow anteriormente, pero e bia aki ViVa lo presente den un forma diferente. E trahe ta un trahe bastante kolorido ku diferente asesorio y stenchi. Un manera pa e Romani por gana su pan di kada dia ta dor di praktika musika, mira destino, bailando (belly dancer) i ser protagonista den diferente sirko. Ku e trahe aki ViVa ta trese solamente e bailarinanan (dama) i e protagonistanan di un sirko (kabayero). ViVa ta bai marcha ku un kantidat di 350 miembro, un kantidat ku for di Yuni di e aña aki ya a wordu alkansa. Pa 8 aña kaba ViVa ta wordu kompaña pa e banda Score huntu ku Paul Welvaart. Hnly Felicia lo akompaña e grupo durante tur e 2 marchanan den un forma komparti meskos ku tabata e kaso di februari ultimo. Ya e fecha di e tradishonal  jump in di ViVa huntu ku SVB a wordu divulga ku lo ta djabierne 29 di Yanuari 2016. ViVa ta kontentu ku nan tambe ta aporta na e desaroyo di Karnaval di Korsow pa di 9 aña ku un grupo grandi.