TIS FAMILY Music & Entertainment ta un grupo di 3 hoben ku a disidi di hasi uso di nan talento di kanta pa entretené publiko ku músika Hip Hop Urban mix den un forma úniko. Loke ta hasi e grupo aki super apart ta ku tur e 3 hobennan aki ta futbolista ku a forma parti di diferente tim di selekshon di Kòrsou.  Shuremy Felomina miho konosí komo Filo (KOR), Irvingly van Eijman (KOR) i Freek Langermans (NL) miho konosí komo Dj Tchuna. TIS FAMILY a lansa nan promé kantika “Señorita” 20 desèmber 2019 ku tabata un eksito na Hulanda. Ku e hit di ”Señorita” aki diferente porta a habri pa nan por a profilá na diferente festival na Hulanda. TIS FAMILY a wordu asepta dor di e publiko ku brasa habri. Esaki tabata un stimulashon pa mantene TIS FAMILY su eksistensia i pa sigui trese kantikanan great pa e publiko por disfruta di dje.

Durante a e krísis di covid-19 aki TIS FAMILY a haña e inspirashon pa lansa nan di dos kantika titulá “Lockdown” i ya ta sonando na diferente radionan na Hulanda. Den e kuadro di esaki TIS FAMILY tim ta haña ta na su luga komo yu nan di Kòrsou pa laga e komunidat di Kòrsou tambe sera konosí ku nan i nan kantikanan. 

Djabièrnè awor 8 di mei TIS FAMILY lo lansa e video clip di ”Lockdown”. Sigui nan via Instagram: tisfamily_ pa bo keda na altura di kada desaroyo di e hobennan aki ku ta hasiendo un bon trabou.