Djadumingu 20 di yanüari a tuma luga e di dos edishon di e kompetensha di gatiamentu pa beibi na Sambil. Ta hopi ta esnan ku a bai Sambil pa por a gosa di un atardi tur afo ku dushi ambiente!  

Mas ku 60 beibi entre 7 i 18 luna a partisipá, kada unu den nan kategoria pa finalmente saka e ganadornan apsoluto. Tambe tabatin premio pa e beibi nan mas grandi entre 1 i 2 aña i esun mas bunita disfrasá na super héroe. Un pabien ta bai na tur e ganadornan.

Esaki sigur ta un bon inisiativa di parti Sambil huntu ku Fundashon Ronald Mc Donald House of Charities kaminda ta hasi aktivdatnan inovativo i alabes ta uni henter famia.

Un danki spesial na esnan ku a hasi esaki posibel: EPK, Mini Me, Baby Fresh, Kidis Park i MaxiMex

Keda pendiente pronto inskripshonnan lo habri pa e di tres edishon di Sambil Super Hero Mall Run, kaminda muchanan for di 4 – 12 aña lo por partisipá i asina kontribui ku un bon kausa.