J2S Dance Crib  ta un organisashon ku ta traha riba entre otro desaroyo di e hóben su talento i tambe su desaroyo personal. Riba dia 25 di yanüari próksimo   J2S Dance Crib lo bai tin e promé aktividat pa aña 2014, ku lo bira un  ‘Dance Convention’.  E aktividat ta tuma lugá na Esperamos Party Place (pega ku Esperamos Supermarket) na Jan Noorduynweg. E aktividat ta kuminsá  4or di atardi i ta terminá 7or di anochi i ta kompletamente grátis. Meta di e aktividat aki ta pa e partisipante desaroyá su abilidatnan di baile i tambe  pa  empoderá e kondishon físiko di e partisipante. E bailenan ku ta keda práktika ta Hip Hop, Lyrical RnB i House Dancing. E dosentenan pa e atardi lo ta sr. Gerald Chirino (4G intellect) i tambe Ivo Glans (Master Ivo).  Master Ivo ta un alumno di J2S Dance Crib i Gerald Chirino ta e dosente di baile di J2S Dance Crib. E aktividat no ta solamente pa e miembronan di J2S Dance Crib pero pa tur mucha i hóben ku ta interesá. Mucha ta kai den kategoria di 6 pa 12 aña i hóben ta e kategoria di 13 aña bai ariba. E partisipante por registrá i disfrutá di e atardi kompletamente grátis.  Pa registrashon por yama na numbernan di telefon 526 9294 òf 516 5265