Kòrsou bo ta kla p’e?Karchinan a keda distribuí na tur punto di benta

WILLEMSTAD, Kòrsou: E karchinan ta na benta. Despues ku na komienso di siman e shete ‘mobile billboard’ di “Concierto Viva la Música Latina Curaçao 2015” a subi kaya, awòki SHOWBIZZ International ta anunsiá su puntonan di benta pa e próksimo temporada- nan ta 22 total. “ Tur kos ta un proseso, mester bisa ku nos ta kanando un trayekto i esaki ta resultando mané nos a ferwagt- zùiver. Un festival di e magnitut aki no por tin karchinan di benta konvenshonal, nos mester tene kuenta ku hopi partikularidat. Ta p’esey e promé paso tabata pa ofresé un liña di krédito via Norsa N.V., despues e posibilidat di kumpra karchi ‘online’ www.ticketscaribbean.com i awòki na tur 22 punto di benta tin karchi”, esaki di akuerdo ku Steve Hudson di SHOWBIZZ International. Preparashonnan ta bayendo den ful swing pa Kòrsou risibí e promé edishon di “Concierto Viva la Música Latina Curaçao 2015”. Mas álue e organisashon ta ekspresá di a tuma nota ku Sambil a skùif nan fecha di apertura un dia promé ku e konsierto, pero e dos eventonan aki ta separá di otro. Di akuerdo ku SHOWBIZZ International, “kisas por reina un tiki konfushon ku e konsierto ta pa selebrashon di e apertura, pero esaki no ta asina. Nos ta trahando hopi di serka ku Sambil i ta inmensamente gradesí pa nan hospitalidat i nan kompromiso komo ‘branding partner’. Nos ta desea nan tur klase di eksito ku nan inmenso sentro komershal i invershon ku nan a hasi na Korsou. Ademas nan tambe lo gosa i probecha di e gran asistensha for di bishitantenan di paisnan den region ku lo ta di bishita na Korsou pa nos Concierto”. E promé edishon di “Concierto Viva la Música Latina Curaçao 2015” lo ta grandi: Riba djabièrnè dia 29 di Mei próksimo lo tin presentashon di Gilberto Santa Rosa, Grupo Guaco de Venezuela i Jorge Celedón. Riba djasabra dia 30 di Mei lo tin presentashon di Olga Tañón, El Gran Combo de Puerto Rico, José Alberto El Canario i Alberto Barros. “Concierto Viva la Música Latina Curaçao 2015” lo tuma lugar riba e parkinglot di SAMBIL Curaçao, ku lo wordu transforma den un area di goso, alegria i sorpresanan grandi. Kada presentashon lo ta 90 minuut largu. Entrada pa e konsierto ta Naf 200 pa un anochi i Naf 350 pa ámbos anochi. Por kumpra karchi riba krédito via di Norsa N.V -akudí na telefon 767 1563. Tambe tin posibilidat pa kumpra karchi ‘online’ via di www.ticketscaribbean.com; paga, print e-ticket i bai kuné riba e anochinan di konsierto of for di awe buska bo karchi di entrada na e punto di benta mas serka dibo:

• Norsa NV (krédito)
• Albert Heijn Zeelandia
• Van Den Tweel na Janthiel
• Pizza Hut Brievengat, Salinja, Sta. Maria i Brionplein
• Pòmpstashon VANDDIS, Rio 1, Rio 2. Brievengat, Gasora, Bandariba, Maria Pampoen, Palu Blancu
• C-Post na tur 5 filiaal
• Scarlet
• Funmiles
• Mensing’s Caminada.