Rodney Tremus i Segundo Velazco a bai kuné!

WILLEMSTAD/ YÜLI 2015 – Carnaval Casino ta sigui ku su yobida di premio! E siman ta habri ku 2 ganador; kada un ta bai kas ku un KIA Cerato Koup nobo nobo! Sr. Rodney Tremus tin basta dia ta ‘mik’ riba e outo. Despues di rekreá un ratu purbando ku apénas $0,20 sèn e mashin a saka e zonidonan popular pa anunsiá ku Sr. Tremus a gana e KIA Cerato Koup full ekipá. Mesora ehekutivonan di Carnaval Casino a aserká pa brinda ku shampaña i selebrá e momentu spesial. Despues di algun momentu, e mashin ta bolbe anunsiá un ganador, e biaha ei tabata Sr. Segundo Velazco ku purbando ku únikamente $0,45 sèn ta bai kas ku un outo nobo! Masha pabien na ámbos ganador! Carnaval Casino ta bolbe komprobá ku nan ta sinónimo di suerte. Tur dos ganador tabata kontentu di por saka potrèt ku nan outo nobo; 2 outo riba 1 dia!

Riba fotonan athuntu por haña un impreshon di Sr. Rodney Tremus i tambe Sr. Segundo Velazco, momentu ku nan gana e outo na Carnaval Casino. Tur dos ganador a wòrdu kompañá pa ehekutivonan di Carnaval Casino, amigu i familiar. Masha Pabien!