HOPE ta yegando su final. Den e wikènt benidero e weganan semi final i final lo bai tuma lugá. Esaki ta nifiká ku nos ta yegando e punto máksimo pa kumpli ku e meta di e torneo en kuestion. Hesta e konstrukshon di e “greenhouse” pa e muchanan di Stichting New Creation Curaçao. Pa selebrá e echo aki un invitashon spesial ta bai na bo(so) pa ta presente durante henter e wikènt aki i naturalmente tambe na e entrega di premio ku lo tuma lugá mesora despues di e weganan final. E entrega lo ta bou di animashon musikal di DREAMS riba diadumingu dia 26 aprel próksimo di 19:00u – 21:00u na SUVEK Ballpark. Tuma nota tambe ku riba e mesun djadumingu pa 11:00u lo tin un wega amistoso entre e organisashon di HOPE i tambe e fundashon pa kual e fondonan di aña aki ta wòrdu rekoudá. Risibí alabes athunto e resultadonan di e di sinku wikènt i e skedjul pa e ultimo siman di e torneo komersial i sosial di sòfbòl slowpitch HOPE. Nos ta konta ku bo(so) presensia. Na nòmber di e tim organisadó