Resientemente, pa ta mas eksakto djadumingu 6 di yüli último, 16 di e amiguitunan di Sentro pre-eskolar Mi Amiguitu a terminá nan promé fase di formashon ku éksito i por lo tanto a risibí nan bul pa drenta enseñansa di fundeshi e aña eskolar 2014 – 2015. Durante un atardi ameno na Restaurant Grill King, e muchanan a risibí nan diploma huntu ku nan mayornan. Direktiva, direktor i lidernan di Sentro Pre-eskolar Mi Amiguitu ta deseá e chikitinnan aki tur klase di éksito den futuro i ta gradisí e mayornan pa e konfiansa depositá den nan pa a yuda na formashon di e fundeshi firme di e muchanan aki!