WILLEMSTAD- Djasabra último dia 29 di novèmber a tuma lugá na SDK e popular Kareda di LITO, organisá pa Curaçaosche Atletiek Bond i di spònser pa LITO, e Amiguitu Spardó di MCB. Kareda di LITO ta un kareda spesial pa mucha di skol di Fundeshi kaminda nan ta kore i gana premio kèsh pa nan skol, ku e skol por usa pa difernte proyekto. Tabatin un públiko hopi grandi ku a bin apoyá tur e muchanan durante Kareda di LITO. Un kantidat di 2100 Amiguitu di LITO, hopi entusiasmá, di 45 diferente skol di fundeshi a kore i kompetí den 8 diferente kategoria en buska di premio pa nan mes i pa nan skol. Tio Armando a animá tur presente mientras un brassband i pietjes tambe a duna un tremendo show. Tur amiguitu di LITO ku a kore a haña un bunita botón di rekuerdo pa nan partisipashon i e promé 10 muchanan, den kada un di e 8 diferente kategorianan, a risibí un medaya. Na final di e kareda di kada kategoria e amiguitunan di LITO ku a kore a risibí un djus, un bakoba pa yuda nan haña nan energia bèk. E amiguitunan ku a sali number 1 den e diferente kategorianan a gana NAf. 1.000,– pa nan skol, esnan na di dos lugá a gana NAf. 500,– pa nan skol i e amiguitunan ku a sali na di tres lugá a gana NAf. 250,– pa nan skol.
Resultado final Kareda di Lito:
Kategoria mucha muhé 6 i 7 aña ku T-shirt ku logo oraño a kore 700 meter:
Ganadó: Alexia de Jesus da Silva di Albertus College
Di dos lugá: Keishani Coenraad di Marnix School
Di tres lugá: Shanay Obispa di St. Franciscus College
Kategoria mucha hòmber 6 i 7 aña ku T-shirt ku logo hel a kore 700 meter:
Ganadó: Jeremias Pinnafort di Marnix School
Di dos lugá: Aryan Antonia di Fatima College
Di tres lugá : Renald Renalus di Emmanuel School
Kategoria mucha muhé 8 i 9 aña ku T-shirt ku logo bèrdè 700 meter:
Ganadó: Kyrsha Neuman di Joan Maurits School
Di dos lugá: Crystal Dalnoot di Römerschool
Di tres lugá: Cristal Christiaan di Oranje School
Kategoria mucha hòmber 8 i 9 aña ku T-shirt ku logo lila a kore 700 meter :
Ganadó: Joshua Rosaria di Berg Carmel College
Di dos lugá: Charlison Roas di Kolegio Annie Koenraad
Di tres lugá: Gedion Martis di Oranje School
Kategoria mucha muhé 10 i 11 ku T-shirt ku logo rós ku a kore 1600 meter :
Ganadó: Caroline Hato di Coromoto College
Di dos lugá: Riesmarley Tokaay di Willem Ellis School
Di tres lugá: Vanessa Mercera di Vigdis Jonckheer Mensing College
Kategoria mucha hòmber 10 i 11 aña ku T-shirt ku logo kòrá a kore 1600 meter :
Ganadó:Raylon Marchena di Emmy Berthold School
Do dos lugá: Noah Kaper di Dr. Albert Schweitzer School
Na di tres lugá: Akram Potmis di St. Franciscus College
Kategoria mucha muhé 12 i 13 ku T-shirt ku logo blou skur ku a kore 1600 meter :
Ganadó: Suliën Sophia di Divi Divi School
Di dos lugá: Nashwena Jonge di Kolegio Annie Koeraad
Di tres lugá: Surdelis Florentia di Kolegio Maria Auxiliadora
Kategoria mucha hòmber 12 i 13 aña ku T-shirt ku logo blou skur a kore 1600 meter :
Ganadó: Tahir Boeldak di Kolegio Chaya Willems
Do dos lugá: Kgevin Kook di Kolegio San Hose
Na di tres lugá: Michel James di Emmanuel School
LITO i Maduro & Curiel’s Bank ta felisitá tur e amiguitunan ku a kai den premio. Tambe un danki di kurason na tur e boluntarionan kolega di MCB i Krus Kòrá ku a yuda “take care” masha bon mes di tur e muchanan ku a partisipá. Un danki spesial na Curaçaosche Atletiek Bond ku a organisá Kareda di LITO 2014.