Felis Aña Eskolar di parti Digicel!

WILLEMSTAD: Aña eskolar ta habri djaweps awó i Digicel ta regalá 100 mucha un pelá grátis! Muchanan di entre 6 pa 17 aña di edat  por risibí un pelá grátis e siman aki na Hair Creation Sta. Rosa, Bar.Ber na Pietermaai, Barberia Chey na Sta. Maria i Ramphis Barbershop na Winston Churchillweg. Na kada barbero lo tin 25 kupo, ta nifiká ku mayornan mester ta lihé pa traha un sita.  Pa hasi e sita no ta rekerí pa bo ta kliente di Digicel. Únikamente e mucha mester presentá ku su rapòrt. Diony Eduarda Marketing Executive di Digicel ta komentá, “Nos ke hasi un gesto pa e aña eskolar nobo i ta p’esei nos a kolaborá ku diferente barbero e siman aki, pa hasi algun mucha felis. Ademas, nos ta sigur ku esaki ta un notisia alentador pa e mayornan tambe. Digicel ta spera ku tur e mucha- i hóbennan lo gosa di nan pelá.”  Mayornan tin chèns te ku dia 11 di ougùstùs pa traha un sita.

Por yama pa e sita; Hair Creation 767.8464, Bar.Ber 520.0053, Barberia Chey 6962197, òf Ramphis Barbershop 696.2197. Digicel ta deseá tur mucha, hóben i maestronan un aña eskolar eksitoso i ku resultadonan positivo!