Un bunita projekto di un e hoben Mei-lin Lam.

Willemstad – Djasabra ultimo na Lam Yuen Restaurant a tuma luga entrega di un check na balor di 10.000,- na Fundashon Parke Tropikal.

Resiente mente un hoben super dinamiko huntu ku su mayornan , miembro di famia I amigunan di skol a organisa e di dos edishon di WALK FOR THE ZOO un evento ku a kumisa komo un projekto di e hoben Mei-Lin lam pa community service ku ta parti integral di estudio di tur hoben ku ta bishita International School of Curaçao, Mei –Lin ta un hobensita ku stima bestia I ke duna su aporte na desaroyo di nos parke nashonal di bestia, Mei-Lin sa precies kon un zoologiko moderno lo mester ta i kiko su funshon den komunidat ta, Mei lin ta yuda no unikamente ku su konosementu pa krea un Buki edukativo pa benta den parke sino tambe pa krea fondo pa logra esaki. Mei-lin a logra den 2 edishon di walk for the zoo un total di 18mil florin. E projekto total ta kosta Fl.30.000,- ku e tin sigur ku e lo lorga den e proximo edishon di Walk for the Zoo na oktober proximo. Fundashon Parke Tropikal ta yama danki na e mayornan dinamiko Benson I Nataly lam I tur e miembronan di famia ku a aporta na e bunita gesto aki, Nos ta jama danki tambe na e team di boluntario di Parke Tropikal, enkabesa pa e konosido dj. RO-1 I luigino Asjes ku a soru pa tremendo ambiente riba ruta, Danki tambe na sr. Alwin Hart I e team motorisa di Kuerpo polisial pa a guia e walk di un manera sublime. Danki tambe na tur e sponsornan ku a aporta pa e evento aki tabata un exito pa di dos bes. Ku mas ku 600 partisipante Walk for the Zoo ta kriesiendo poko poko pero sigur.